ఇప్పటికిప్పుడు తెలంగాణలో ఎన్నికలు జరిగితే టిఆర్ఎస్ కు 106 సీట్లు వస్తాయని ఆ పార్టీ అధ్యక్షుడు, తెలంగాణ ముఖ్యమంత్రి కె.చంద్రశేఖరరావు చెప్పారు. తెలంగాణ శాసనసభ సమావేశాల సందర్బంగా ఆయన ఎమ్మెల్యేలతో భేటీ అయ్యారు. ఈ సందర్భంగా ఆయన మాట్లాడుతూ తాను ఎమ్మెల్యేలందరి పనితీరుపై సర్వే చేయించామని, ,అందరి వివరాలు తన వద్ద ఉన్నాయని తెలిపారు.మంత్రి తుమ్మల నాగేశ్వరరావు మంత్రులలో అరవై మూడు శాతం తో నెంబర్ ఒన్ స్థానంలో ఉన్నారని సర్వే తేల్చింది.గతంలో ఇంద్ర కరణ్ రెడ్డి ఆధిక్యంలో ఉండగా, ఆయన ఇప్పుడు ఏభైఎనిమిది శాతానికి తగ్గారు.ఖమ్మం జిల్లాలో ఏభై శాతం మంతి టిఆర్ఎస్ పట్ల సుముఖంగా ఉన్నారని కూడా కెసిఆర్ చెప్పారు.దీంతో 2019 ఎన్నికల్లో ఈ సర్వే ఆధారంగానే కేసీఆర్ టికెట్లు ఇస్తారని జోరుగా ఊహాగానాలు వినిపిస్తున్నాయి. ఈ నేపథ్యంలో కేసీఆర్ సర్వే వివరాలు వెల్లడించడం ప్రాధాన్యత సంతరించుకుంది.
The post ఇది గులాబీ బాస్ లెక్క! appeared first on Newsdeccan.
